Urte guziz, zenbait egunez, Errekoletoak AOIZak arte ikusgarri berri eta bereziak hartzen ditu.
Dantza, antzerkia, musika, performancea, ikusgarri biziak gunea beste manera batez ikusteko parada ematen du.
Etortzekoak
En savoir plus sur notre programme de spectacles vivants et de concerts (pdf - 3Mo)
Iragan gertakariak
BALEA!
Balea! Oihukatzen zuten marinelek, zetazeoen hatsa ikusten zutelarik. Iparraldeko Orkestrako lagunen elkarteak Donibane Lohizuneko eta Ziburuko badiako sindikatuarekin partaidetzan antolatu kontzertu horretan, orkestrako kobra kintetoak balea ihizia musikaz aipatuko du, mendez mende eta kontinentez kontinente. Epopeia hori Jean-Claude ''Ttikia'' Enriquek ilustratuko du. Ikus-entzunezko programa ederra.
2024ko azaroaren 10a, igandea, 17:00
Maurice Ravel akademia
Gabriel Fauré hil zenetik ehun urte iragan diren honetan, eta Maurice Ravelen 150. urteurrena hurbiltzen ari dela, Ravel akademiako hiru gaztek bi konpositore paregabe horien errepertorioan murgilaraziko gaituzte. Pianoan, Mathilde Nguyen; biolontxeloan, Maria-Andrea Mendoza; eta bozean, Hugo Brady tenorra. Elkarrekin errekoletoen komentu ohian musika biziaraziko dute, kaperan oren bateko kontzertua emanez, bi bisita egunak hesteko.
2024ko irailaren 23a, igandea, 19:00
Musika emanaldi laburrak
Komentu ohiko kalostran, arratsaldean, Ravel akademiako hiru musikari gaztek emanaldi laburrak joko dituzte. Hala, gure arkitektura altxorra kurritzean, bisitariek Maurice Ravel eta Gabriel Fauré bidelagun izanen dituzte.
2024ko irailaren 23a, igandea, 14:30, 15:30 eta 16:30
Ziburuko Estudiantina
Ekainean eman kontzertuak lortu zuen arrakasta dela eta, Ziburuko Estudiantinak Ondarearen Europako Jardunaldietarako programa berezia prestatu du, musika zeltiarra eta euskal musika uztartuko dituena.Fabien Murillo buru, gitarra eta mandolina taldeak entzuleei musika tresna horiek (berriz) ezagutzeko parada emanen die, errepertorio anitzaren bitartez.Gaualdi animatua izanen da, segur!
2024ko irailaren 22a, larunbata, 20:00
Habia
Hiru soka eta hiru ahots dira. Tradiziotik eta sorkuntzarik jalgi errepertorioa jotzen dute. Animalia koreografia-ikusgarriarentzat sortu hirukoteak, beharbada horretarako sortu baitzen, entzuteko, ikusteko eta sentitzeko musika ematen du.
2023ko irailaren 17a, igandea, 17:00
Balloons
kurrez josi baloi oihan bitxi batek ikus-entzuleak poesiaz busti mundu magikora eramanen ditu. Olli Vuorinen Fratellini akademiako, hau da, zirkuaren arteen goi mailako eskolako diplomaduna da. Bere planteamendu bereziak eta eskuketa teknika berritzaileek egin dute ezagun.
2023ko irailaren 16a eta 17a, larunbata eta igandea, 14:30, 15:30 eta 16:30
Mobile
Jörg Müller Bavarian sortu zen 1970ean. Zirkuaren arteetako diploma Zirkuaren arteetako Frantziako Zentroan lortu zuen, 1994an. Mobile obra berezia da. Müller metalezko hodi zintzilikatuekin eskuketan aritzen da. Elkar hunkitzen dutelarik ala artistak eskukatzen dituelarik, harmoniazko soinuak sortzen dituzte.
2023ko irailaren 16a eta 17a, larunbata eta igandea, 15:00,16:00 eta 17:00
Bilabal
Bilaka kolektiboak Euskal Herriko dantzaldi herrikoiaz dinamika berri bat eta gogoeta bat abiarazi ditu. Zatozte saldo handian hitzordu horretara, Bilakako dantzariekin batean Euskal Herriko jauzi batzuk eta beste hainbat tokiko urratsak egitera.
2023ko irailaren 15a, ostirala, 20:00