Santa Barbarako eta Zokoako lurmuturren babesean dagoenez, badia bi kilometroko aterpe naturala da. Ozeanoaren erasoetatik babesteko, XIX. mendean sendotu zuten, Zokoako, Arthako eta Santa Barbarako harkaitz muino ohietan oinarritu digak eraikiz. Geroztik, badiak eguneroko kontraste ikusgarria ematen du: ur eremu lasai zabalaren gibeletik, uhin handi eta azkarrak, digetan hausten. Kostaldetik, Lapurdiko paisaiaren ikur azkarra den Larhunen silueta enblematikoa ageri da, Pirinioetako lehen mendixketako ateak zabaltzen dituela.
