Zer dira AOIZak?
Arkitekturaren eta Ondarearen Interpretazio Zentroak (AOIZ) hurbileko kultura eraikinak dira. Arte eta historia herrialde eta hirien sareko lurraldeetako arkitektura eta ondarea ikusle ororengana helaraztea, bisitariak sentsibilizatzea, informatzea eta formatzea dituzte helburu.
Museoek ez bezala, AOIZek ez dute bildumarik. Ondareak ezagutzeko, interpretazio tresnak baliatzen dituzte:
- Joko interaktiboak
- Mappinga
- Filmak
- Soinu bandak
- Maketa maneiagarriak
- Ekaiteka
Dispositibo horiek bisita ibilbidean barna kokatuak dira eta bisitariak laguntzen dituzte lurraldeko ondarearen eta arkitekturaren historia ulertzen.
AOIZera nornahi joan daiteke. Transmisio gune paregabea da, hiria ulertzeko, bertan kokatzeko eta lurraldeko beste kultura guneak ezagutzera joateko tresnak eskura ematen baititu.
Arte eta historia labela
Zer da?
1985ean sortu zenetik, “Arte eta historia hiriak eta herrialdeak” labela Frantziako Kultura ministerioak esleitzen du. Ondareari eta arkitekturari buruzko sentsibilizazio, kontserbazio eta bitartekaritza lanak egitera engaiatzen diren hiri eta lurraldeei ematen die.
Egun, Frantziako sare horrek 190 Arte eta historia hiri eta herrialde biltzen ditu; horietatik 119 hiriak dira, eta 71 herrialdeak.
Akitania Berriko eskualdea Frantziako estatuan arte eta historia hiri eta herrialde gehien dutenetakoa da: 28 lurraldek dute labela. Pirinio Atlantikoetako departamenduan, bi arte eta historia hiri (Baiona eta Paue) eta bi arte eta historia herrialde (Biarnoko Pirinioek eta Donibane Lohizune-Ziburu) daude.
“Arte eta historia hiriak eta herrialdeak” labelaz eta hartzaileei begira dituen eginkizunez gehiago jakiteko:
Arte eta historia labeldun lurraldea
2016an, Donibane Lohizune eta Ziburu hiriek, badiako herriarteko sindikatuan bildurik, “Arte eta historia herrialdea” labela eskuratu zuten. Horretarako, bi herriek inbentario eta agerian emate lan handia egin zuten, eta labelak lurraldearendako ondare proiektu indartsua gauzatu zuen.
Labelerako hautagaitzaren baitan, badiaren aurkezpen bideo bat sortu zen, Donibane Lohizuneko eta Ziburuko lurraldearen nortasun berezia agerian emateko:
Lurraldean bi Ondare Gune Ohargarri eta zenbait Monumentu Historiko daude. Arte eta historia herrialdeko lantaldeak aberastasun hori agerian ematen du, urteroko bisita, topaketa, erakusketa eta mintzaldi programa antolatuz…
Labelaren ekintzak
Arte eta historia herrialdearen ekintzek ondarearen agerian ematea eta arkitektura kalitatearen promozioa uztartzen dituzte, eta lau arlotan banatzen dira:
- Errekoletoak AOIZ: ondarearen bitartekaritzaren zerbitzurako tresna da. Bisitariei Donibane Lohizuneko eta Ziburuko badiaren historia ulertzeko gakoak eskura ematen dizkie.
- Hitzorduak (pdf - 3Mo) : arkitekturaren eta ondareen inguruko programa kulturala (bisitak, topaketak, tailerrak, arte ibilbideak, Frantzia mailako jardunaldiak, erakusketak, mintzaldiak…).
- Esploratzaileak (pdf - 2Mo) : ikasleendako hezkuntza ekintza eskaintza.
- Ibilbideak :badiako ondareak autonomian ezagutzeko argitalpenak.
Errekoletoak AOIZeko lantaldea
- Zuzendaria
Amandine Guindet - Administrazio eta finantza arloko arduraduna
Chantal Etchebaster - Jende guziendako bitartekaria
Myriam Touati - Gazteendako bitartekaria
Maider Mourguiart - Teknika kudeatzailea
Christian Larralde - Harrera arduraduna
Camille Manon