Ikus Errekoletoak AOIZeko eta Donibane Lohizune eta Ziburuko behin-behineko erakusketak.
2025eko behin-behineko erakusketei buruz informazio gehiago (pdf - 3Mo)
Udako erakusketak
Iragan erakusketak
Denak hondartzara!
Erakusketa hori arkitektura eta ondare hiriak sortu du. Erakusketak Frantziako itsasbazterreko arkitekturaren eta hirigintzaren berezitasuna aurkezten du, XVIII. mendetik XXI. mende hastapenera. Hastapenean aiherra eta lanjerosa zena opor leku bilakatu zen, eta, pixkanaka, masa turismoaren norako kutun bihurtu zen.Erakusketa horren ildo beretik, badiako herriarteko sindikatuak kudeatzen duen Errekoletoak AOIZak eszenografia ibilbide osagarria proposatzen du, eta Donibane Lohizuneko eta Ziburuko abentura balnearioaren gertakari nagusiak agerian ematen.
2024eko ekainaren 1.etik agorrilaren 24ra
Errekoletoak AOIZean
Erakusketak
Iragan erakusketak
Itsasoko gutunak
XVIII. mendeko gerletan, kortsario ingelesak eta Royal Navyko ontziek Euskal Herriaren eta Frantziaren kolonien artean merkataritza ontzi anitz miatu zituzten. Ehunka gutun bahitu zituzten, hartzailearengana sekula iritsi ez zirenak, eta ibilbidea Londresko Artxibo Nazionaletan bukatu zutenak. Itsasoko gutunak erakusketari esker, gutun horiek ahanzturatik itzuli dira. Euskararen idatzizko erabilpenaren berri ematen dute, eta ozeanoz haraindi atxikitzen ziren familia eta lan harremanak agerian ematen. Erakusketa CORBAN proiektuaren baitan antolatu da; UPPA unibertsitateko ITEM eta IKER laborategiek eraman dute, eta Akitania Berriko eskualdeak diruztatua da.
2024ko urriaren 1.etik azaroaren 2ra
Errekoletoak AOIZean
Zokoako gotorlekua
Erakusketak Zokoako gotorlekuaren bilakaera azaltzen du, XVII. mendetik XX. mendera. Itsas Begia elkarteak 2011n sortu gotorlekuaren maketa eta hainbat argazki eta mapa hautatu ikusteko parada da!
2024ko irailaren 3tik irailaren 28ra
Errekoletoak AOIZean
Estanpa, arte librea!
Errekoletoak AOIZak lehen aldiz parte hartu du Estanparen Bestan. Karia horretara, Labo estampe kolektiboko artistei ateak zabaldu dizkie. Kaperatik erakusketa geletara, haien obren bitartez, estanpa garaikidearen aberastasun artistikoa ezagutuko duzu. Bistalekuan, zenbait historia nozio hartu ondotik, Urquijo Familia Saindua eta Marinela eskoletako ikasleen lana ikusteko parada izanen duzu, grabaduraren artearen hastapenak ikasi baitituzte. Gure grabatzaile ikasleek Eguzki Erregearen eta Espainiako Infantearen ezkontza berrinterpretatu dute, garai hartako grabaduretan oinarrituz.
2024ko maiatzaren 2tik maiatzaren 25era
Errekoletoak AOIZean
Berregin, berritze obrak argitan
Erakusketak guneko obretan murgiltzea proposatzen du. Marrazki zaletuek, Marie Dupont artistarekin batera, obra liburuxkak sortu dituzte; horien ondoan, Komcébo estudioko Mathieu Mengaillou argazkilariaren zortzi ofiziale potret ikusteko parada da.Irudi horiez gain, obren bitartean filmatu bideo erreportaje bat ere ikusgai izanen da. Gune bat haurrei utziko diegu, obra horiei buruzko lekukotasunak utz ditzaten.
2024ko martxoaren 30etik apirilaren 27ra
Errekoletoak AOIZean
Errekoletoen komentua, aduanatik arrantzara
Erakusketak errekoletoen komentuak Frantziako iraultzaren ondotik fraideak joan zirelarik izan zituen erabilpenak aipatuko ditu. Kalostra aldean aduana plantatu zen, eta kapera aldean, berriz, arrantza. Komentu ohia bizialdi horien arabera itxuraldatu zen.
2023ko azaroaren 28tik 2024ko urtarrilaren 6ra
Errekoletoak AOIZean
Hiriko erakusketak
onibane Lohizunen eta Ziburun hiri erakusketak ere baditugu!
Hiri eremuan ere erakusketa bat ikus daiteke, historia, arkitektura eta hirigintza doi bat bereganatzeko.
Iragan erakusketak
Berregin, obrak bidean
Errekoletoen komentu ohiaren berritze eta handitze obrak 2021ean hasi ziren. Badiako Sindikatuak kudeatzen ditu, eta hamabost ofizioko langileak biltzen dituzte. Horien artean, ondarearen zortzi ofiziale ohoretan emanen dira. Komcébo estudioko Mathieu Mengaillou argazkilari profesionalaren begiradak lagundurik, bakoitzak aurpegia, tresna bat eta jestu bat erakutsiko ditu. Berregin hiri erakusketari esker, Donibane Lohizuneko Luis XIV.aren plazan eta Ziburuko Camille Jullian plazan, Errekoletoen geroa prestatzen ari direnen ondora murgiltzen ahalko zara.
2022ko irailaren 13tik urriaren 28ra
Donibane Lohizune eta Ziburu
Klik! Klak! argazki bat, istorio bat
2021eko irailaren 17tik azaroaren 1.era
Donibane Lohizune eta Ziburu