Ongi etorri AOIZera / Arkitekturaren eta Ondarearen Interpretazio Zentrora
« Ravel Boléro » erakusketa
Maurice Ravelen sortzearen 150. urtemugaren karietara, eta bere udako bigarren denboraldiarendako, Donibane Lohizune eta Ziburuko Badiako Sindikatua harro da, Parisko Musika Museo-Filarmoniarekin partaidetzan, “Ravel Bolero” erakusketaren bertsio ibiltaria proposatzera.
Partaidetza prezios horrek, konpositorearen sorterria ere den gure lurraldea eta musikaren instituzio nazional handi bat biltzen ditu, anbizio bakar baten inguruan: inspirazio-iturri ezin agortua den Maurice Ravelen eta honen Boleroaren historia eta ondasuna, ikusaraztea.
Karia horretara, Ravel Festibalaren, Steinway & Sons eta Bertrand Chamayou-ren arteko konplizitatearekin loturiko partaidetzak, musika-esperientzia paregabe bat ikusteko aukera emanen dio bisitariari.
Errekoletoak Interpretazio zentroan aurkeztua den erakusketa hau leku osora hedatuko da, kaperatik hasi eta atariraino, bistalekutik gaindi. Honek, konpositorearen sortetxearen ikuspegi ezin hobea eskaintzen du.
Nazio mailako erakusketa honekin elkarrizketan, Arte eta Historia herrialdeak Donibane Lohizune eta Ziburu arteko 10 geltokiz osatutako hiri-ibilbide bat proposatzen du, uztailaren 3tik goiti, publikoa, Ravelek bere egonaldietan egiten zituen ber urratsak segitzera gomitatuz.
Ekainaren 20tik agorrilaren 31ra, “Ravel Bolero” erakusketak programazio aberatsa eskainiko du: hitzaldiak, kontzertuak, aire zabaleko zinema, soinu-beilak, ikusle gazteendako eta eskoletakoendako bitartekotzak, eta hiri-bisitak.
